2018 թվականի նոյեմբերի 12-ին «Օբյեկտիվ» հեռուստաընկերության եթերում, հաղորդման վարող Նինո Ռատիշվիլին, 1989 թվականի ապրիլի 9-ի երևույթների կապակցությամբ լուսանկարիչ վավերագիր Յուրի Մեչիթովի հայտարարությունները գնահատեց, որի ժամանակ նա չհամաձայնեց Մեչիթովի հայտարարության հետ այն մասին, որ ապրիլի 9-ին քաղաքացիները շնչահեղձությունից մահացան և նրանց ոչ-ոք չի սպանել: Միևնույն ժամանակ հաղորդման վարողը կասկածի տակ առավ ապրիլի 9-ի իրադարձություններում խորհրդային բանակի և Ռուսաստանի պատասխանատվության հարցը, որպես այս իրադարձությունների մասնակից հիշեց անձնական պատմությունը, երբ նրան փորձում էին սպանել ոչ թե ռուսները, այլ միջինասիացի զինվորները: «Օբյեկտիվի» վարողը այս միջադեպը ընդհանրացրեց ամբողջ խորհրդային բանակի վրա և հայտարարեց, որ միջինասիացիների բազմաթիվ լինելը խորհրդային բանակում լուրջ վտանգ էր ստեղծում ռուսալեզու խորհրդային բանակին:
Ի տարբերություն Յուրի Մեչիթովի, Օբյեկտիվի վարողը ապրիլի 9-ի իրադարձությունները չի հերքում, թեև կասկածի տակ է դնում խորհրդային բանակի պատասխանատվության հարցը, երբ շեշտադրությունը կատարում է խորհրդային բանակի էթնիկ կազմի վրա և ապացուցում է, որ միջինասիացիների բազմաթիվությունը խորհրդային բանակում լուրջ վտանգ էր ստեղծում ռուսալեզու խորհրդային բանակին:
Ռատիշվիլիից 4 օր առաջ, լուսանկարիչ Յուրի Մեչիթովը Ալ-Ջազիրային տված ինտերվյուում հայտարարեց, որ ապրիլի 9-ին «20 կին մահացավ շնչահեղձությունից: Վերքեր ունեին, սակայն նրանց մտադրված ոչ ոք չի սպանել»:
1989 թվականի ապրիլի 9-ի գործողությունը ղեկավարում էր «Անդրկովկասյան զինվորական մարզի» հրամանատար, ռուս գեներալ Իգոր Ռոդիոնովը: Երկու օր շուտ, ապրիլի 7-ին Պերմից և Վորոնեժից Վրաստան, Թբիլիսի մուտք գործեցին հատուկ նշանակության միլիցիայի ջոկատներ, որոնք խաղաղ ցուցարարներին ցրեցին «կարգապահությունը վերականգնելու նպատակով»: Ակցիան ցրելու ժամանակ խորհրդային բանակը կիրառեց քիմիական նյութեր, զենք, խրամատային բահեր, զրահատրանսպորտյորներ և տանկեր, որի զոհ դարձավ 20 հոգու կյանք:
{“preview_thumbnail”:”/sites/default/files/styles/video_embed_wysiwyg_preview/public/video_thumbnails/pvSoESnNFpg.jpg?itok=wQ85WvoA”,”video_url”:”https://youtu.be/pvSoESnNFpg”,”settings”:{“responsive”:1,”width”:”854″,”height”:”480″,”autoplay”:0},”settings_summary”:[“Embedded Video (Responsive).”]}
