2018 թվականի հոկտեմբերին Բրազիլիան նախագահ ընտրեց: Ամբողջ նախընտրական քարոզարշավի ընթացքում միլիոնավոր բրազիլացու հեռախոսը ծանրաբեռնվեց քաղաքական հաղորդագրություններով – նախագահի թեկնածուների աջակիցները WhatsApp-ի փակ խմբերում նախագահի թեկնածուների մասին կեղծ հաղորդագրություն էին տարածում:
Նյու Յորք թայմսի տեղեկությամբ, սոցիալ-լիբերալական կուսակցության թեկնածու Ժաիր Բոլսոնարոսի աջակիցները կիսվում էին լուսանկարները, որոնց վրա Բանվորական կուսակցության թեկնածուն և կուսակցության այլ ներկայացուցիչներ ներկայացված էին որպես կոմունիստներ: Լայնորեն տարածվեց Ֆիդել Կաստրոյի և երիտասարդ կնոջ սև-սպիտակ լուսանկարը: Նյու Յորք թայմսի համաձայն, լուսանկարի նկարագրությունը ապացուցում էր, իբր լուսանկարի վրա Կաստրոյի կողքին կանգնած էր Բրազիլիայի նախկին նախագահ և Բանվորական կուսակցության ներկայացուցիչ Դիլմա Ռուսեֆը: Իսկ լուսանկարի վրա արված գրությունը ցույց էր տալիս, որ Ռուսեֆը եղել է Կաստրոյի աշակերտը և «սոցիալիստ ուսանող» էր:
Աղբյուր. epoca.globo.com
Փաստերը ստուգող տեղական Agência Lupa կազմակերպությունը սահմանեց, որ տարածված լուսանկարը մանիպուլյացիա է: Իսկ հեղինակային վավերական լուսանկարն այսպիսին է.
Աղբյուր. gettyimages
Նկարը նկարահանվել է Ֆիդել Կաստրոյի Ամերիկայի Միացյալ Նահանգներում հյուրընկալության ժամանակ, 1959 թվականին, երբ Դիլմա Ռուսեֆը դեռ միայն 11 տարեկան էր: Նյու Յորք թայմսի կարծիքով, երկրում, որտեղ բնակչության միջին շերտը հակակրանք ունի կոմունիզմի նկատմամբ, մանիպուլյացիոն լուսանկարը արդյունավետորեն կարողացավ վարկաբեկել Ֆերնանդո Հադադի, Բանվորական կուսակցության թեկնածուի անունը:
«Ընտրություններ առանց կեղծիքի» (Eleições Sem Fake) տեղական նախագծի շրջանակներում ֆակտ-չեկերները հետազոտեցին WhatsApp-ի 7,347 խումբ և հայտնաբերեցին, որ այս լուսանկարը կիսվել են 78 տարբեր խմբերում: Թերևս սա միայն մեկն է 100 000 լուսանկարներից, որոնք տարածվեցին WhatsApp-ում:
Այն բանից հետո, ինչ սեպտեմբերի 6-ին նախագահի թեկնածու Բոլսոնարոյին քարոզարշավի ժամանակ դանակահարեցին, նրա մրցակցի աջակիցները WhatsApp-ում տարածեցին լուսանկարներ, որի վրա Բոլսոնարոն հիվանդանոց էր մտնում ժպտացող դեմքով: Ինչպես պարզվեց, տարածված լուսանկարը նկարահանվել էր հարձակումից առաջ:
Քարոզարշավի շրջանակներում տարածվում էին նաև կոնսպիրացիայի տեսւթյունները: Տեսություններից մեկի համաձայն, ընտրություների արդյունքների վրա փորձում էր ազդեցություն գործել նաև լիբերալ միլիարդատեր Ջորջ Սորոսը,: