«Ասավալ-դասավալ»-ը, հենվելով ռուսական աղբյուրների վրա, Բան կի Մունի մասին սուտ փաստեր է տարածում

51
VIEWS

Ապրիլի 11-ին, «Ասավալ-դասավալի» թերթը հրապարակեց հոդված,որի հեղինակի հավաստմամբ, Լիբանանում հյուրընկալվելիս՝ ՄԱԿ-ի Գլխավոր քարտուղար Բան կի Մունը Մերձբալթյան երկրների և Ուկրաինայի կապակցությամբ արել է հետևյալ հայտարարությունը.

Գիորգի Գիգաուրի, լրագրող. «Որոշ ժամանակ առաջ ՄԱԿ-ի Գլխավոր քարտուղարը գտնվում էր Լիբանանում և, չգիտեմ, Բեյրութի անկրկնելի հմայքը հաղթեց, թե Միջերկրական ծովի առափնյա ցնցող կլիման, Եվրամիությունում փախստականների հուժկու հոսքի մասին քննարկելիս այնպիսի անկեղծություն դրսևորեց , որ «Կրեմլի գաղտնազերծված, վերծանված գործակալ» կհամարեիք. «Ընդհանուր առմամբ իրավիճակը բարդ է և մենք հետևում ենք այնպիսի երկրների փաստացի մահացմանը, ինչպիսիք են Լատվիան, Լիտվան, Էստոնիա և Ուկրաինան: Այս երկրի քաղաքացիների կենսամակարդակի շեշտակի անկումը, իշխանությունների տագնապալի ցածր վարկանիշը, հանցագործությունների շեշտակի աճը և արտասահման փախչել ցանկացողների աճող թվաքանակը ցույց է տալիս, որ այս պետությունների կողմից վերցված կուրսը բացարձակապես ճիշտ չէ և դրանց պետականությունը աշխատում է ինքնաքայքայման ռեժիմում: Մարդիկ փախուստի չեն դիմում այն երկրից, որտեղ լավ կյանք է և ինքնադրսևորման հնարավորություն: Այսպիսի բացասական բալաստը շատ է վնասում Եվրամիությանը, որի քաղաքացիները նույնպես շատ դժգոհ են այդ մշտական մուրացկաններից և եթե Եվրամիության անդամ Մերձբալթյան երկրների որևէ տեսակի օգնության մասին դեռևս կարելի է խոսել, ապա Ուկրաինան բացարձակապես անցանկալի տարր է ընդհանուր եվրոպական դաշտի վրա»:

ՄԱԿ-ի Գլխավոր քարտուղար Բան կի Մունը, աճած քաղաքական, տնտեսական, գաղթի հիմնախնդիրների ֆոնի վրա Հյուսիսային Աֆրիկայի և Մերձավոր Արևելքի երկրներ Լիբանան, Հորդանան և Թունիս այցելեց 2016 թվականի մարտի 24-28-ը: Արևմտյան զանգվածային լրատվական միջոցների տեղեկությամբ, Լիբանան այցի ժամանակ նա ուշադրությունը կենտրոնացրեց Սիրիայում ընթացող հակամարտության և փախստականների հարցերի վրա: Սիրիացի փախստականներին ընդունելու համար նա Լիբանանի կառավարությանը շնորհակալություն հայտնեց: Նրա հետ միասին Բեյրութում հյուրընկալվեցին Իսլամական զարգացման բանկի և Համաշխարհային բանկային խմբի նախագահները: Այդ նույն ժամանակ ոչ ՄԱԿ-ի պաշտոնական էջի վրա, ոչ էլ արևմտյան հրատարակություններում չի գտնվի հայտարարություն, որտեղ Գլխավոր քարտուղարը քննադատի Բալթյան երկրներին և Ուկրաինային:

Վերստուգման արդյունքում պարզվեց, որ «Ասավալ-դասավալ»-ում նշված հայտարարությունը կարելի է գտնել միայն ռուսալեզու լրատվական միջոցներում: Այս տեղեկատվությունը առաջին անգամ ապրիլի սկզբներին այնպիսի կայքերի վրա հայտնվեց, ինչպիսիք են Ianewstoday.ru-ն և Конт-ը: Դրանցից ոչ մեկը չի նշում տեղեկատվության աղբյուրը: Ինչպես «Ասավալ-դասավալը», այնպես էլ Конт–ը և Ianewstoday.ru-ն առաջարկում են ՄԱԿ-ի Գլխավոր քարտուղարի ելույթի նույնական տարբերակը (տես՝ ինֆոգրաֆիկան), իսկ Ianewstoday.ru-ի վերնագիրը տեքստին էլ համապատասխան է և պարունակում է ապացույց, իբրև ՄԱԿ-ի Գլխավոր քարտուղարը Ուկրաինային և Բալթյան երկներին ինքնաքայքայման կոչ արեց. “Генсек ООН призвал Украину и страны Прибалтики — самоуничтожиться”: Իսկ «Ասավալ-դասավալի» ներքին էջի անոտացիայում նույն մեկնաբանությունը ներկայացված է որպես ՄԱԿ-ի «դատավճիռ»: Մասնավորապես, «ՄԱԿ-ի սենսացիոն դատավճիռ. Լատվիան, Լիտվան, Էստոնիան և Ուկրաինան «եվրոպականորեն մահանում են»:

Ianewstoday.ru 2015թվականին է գրանցվել, իսկ Конт.ws-ը հարթակ է, որտեղ գրանցված օգտատերը ինքը կարող է տեղադրել տեղեկատվություն: Ճիշտ Конт.ws-ի կողմից տարածված ապալրատվությունը Եվրամիության կողմից Ռուսաստանին առանց այցեհրավերի ռեժիմ սահմանելու մասին, ինչը իրատեսորեն ապրիլմեկյան կատակ էր ներկայացնում, վրացալեզու աղբյուրներով տարածվեցորպես իրատեսական փաստ:

Բան կի Մունի Լիբանան այցի մասին տեղեկատվությունը անգլերեն լեզվով տարածում է  ևս մեկ աղբյուր՝Dninews.com օնլայն-հրատարակությունը, որը հիմնադրվել է 2015 թվականին Ուկրաինայում, ռուսամետ ուժերի կողմից վերահսկվող Դոնեցկ քաղաքում: Կայքը հիմնականում հրատարակում է Դոնեցկի և Լուգանսկի մարզերում ընթացող իրադարձությունների մասին, ինչպես նաև հակաուկրաինական բովանդակության հոդվածներ:

Սա առաջին դեպքը չէ, երբ «Ասավալ-դասավալ»-ը իր հրապարակումներում հենվում է կասկածելի ռուսալեզու աղբյուրների վրա: Մարտի 28-ին, նույնպես ռուսական զանգվածային լրատվական միջոցների աղբյուրների վրա հենվելով, թերթը հրապարակեց նյութ իբրև Բրիտանիայում մարդու մաշկից հագուստ են պատրաստում, ինչը չհաստատվեց ոչ մի աղբյուրով:

თემატიკა: Քաղաքականություն
ქვეყანა/ორგანიზაცია: Եվրամիություն, ՄԱԿ
Ձեզ նույնպես կհետաքրքրի
Աղբյուր

Վերջին լուրեր

Welcome Back!

Login to your account below

Retrieve your password

Please enter your username or email address to reset your password.

Add New Playlist