Ապալրատվություն, իբր Եվրոպայի երկրներում միջազգային կազմակերպություններին արգելվում է հետազոտություններ անցկացնել

dr
270
VIEWS

Մայիսի 9-ին, Pos TV-ի «Մեդիա ռենտգեն» հաղորդումը, որը թողարկվում է «Մաէստրո» հեռուստաընկերության եթերում, հատկացվեց սոցիոլոգիական հետազոտությունների  կեղծմանը: Վարող Նիկոլոզ Լալիաշվիլին նշեց, որ կեղծ սոցիոլոգիայի ստեղծողներից մեկը քաղաքացիական սեկտորն է, իսկ կեղծված թվերը «Ֆեյկ նյուսի» վերածում է մեդիան: Նրա խոսքով, հասարակական կարծիքի վրա  ազդեցություն գործելու համար ընտրական վարկանիշների հետ միասին կիրառվում են նաև տարբեր հաշիվներ, որոնք ակտիվորեն ֆինանսավորվում են միջազգային կազմակերպությունների կողմից: Իսկ սոցիոլոգ Վալերիան Գորգիլաձեն հայտարարեց, որ ոչ մի  եվրոպական երկրում միջազգային կազմակերպություններին հետազոտությունների անցկացման իրավունք չեն տալիս և որ այս հարցը պահանջում է կանոնակարգում:

Հավաստումն այն մասին, իբր Եվրոպայի  երկրներում միջազգային կազմակերպություններին հետազոտությունների անցկացումն արգելվում է,  ապալրատվություն է: Միակ կանոնակարգումը, որը գործում է եվրոպական երկրներում, վերաբերում է հասարակական կարծիքի  հետազոտությունների անցկացման ժամանակ անձնական տվյալների հավաքման, մշակման և տարածման կարգին, ինչպես նաև ընտրությունների ժամանակաշրջանում հասարակական կարծիքի հետազոտությունների արդյունքների  հրապարակմանը և լուսաբանմանը:

   1.Եվրոպայի երկրներում միջազգային կազմակերպություններին չի  արգելվում հասարակական հետազոտություններ անց կացնել

Կարգավորումը, որը միջազգային կազմակերպություններին արգելում է Եվրոպայի երկրներում հասարակական կարծիքի  հետազոտություն անցկացնել, գոյություն չունի: Հետազոտությունների հետ կապված կանոնակարգումների բովանդակությունը միայն ընտրությունների ժամանակաշրջանում հետազոտության արդյունքների հրապարակմանը, ինչպես նաև հետազոտությանը  մասնակցող անձանց անձնական տվյալների պաշտպանությանն է վերաբերում:

Եվրամիության երկրներում հասարակական կարծիքի հետազոտություններ անց են կացնում այնպիսի միջազգային կազմակերպություններ, ինչպիսիք են, օրինակ, Gallup, Pew Research Center:

   2.NDI և IRI միջազգային կազմակերպությունները աշխատում են կենտրոնական և Արևելյան Եվրոպայի երկրներում

IRI

Ներկայումս, IRI ծրագրեր է իրականացնում Էստոնիայում, Լատվիայում, Լիտվայում, Լեհաստանում, Չեխիայում, Սլովակիայում, Հունգարիայում, Սլովենիայում, Խորվաթիայում, Բոսնիա-Հերցեգովինայում, Ալբանիայում, Մակեդոնիայում, Բուլղարիայում:  Եվրոպայում կազմակերպության գործունեությունը նկատառում է աջակցություն անցումային ժողովրդավարություն ունեցող երկրներին և օժանդակություն բազմակուսակցական քաղաքական համակարգերին՝  քաղաքացիների բարօրությունը բարելավելու նպատակով: Սլովակիայում IRI լայնամասշտաբ ծրագիր է իրականացնում, որը հիմնվում է հետևողական հասարակական կարծիքի  հետազոտությունների վրա  և նկատառում է ժողովրդավարական ուժերին  օգնություն ցուցաբերել ընտրական ռազմավարության  սահմանման և կոալիցիայի ձևավորման, ինչպես նաև արդյունավետ քաղաքական ընթացակարգեր վարելու գործում:

Օրինակ, 2017 թվականի մայիսի 24-ին IRI-ն  հրապարակեց Հունգարիայում, Լեհաստանում, Չեխիայում և Սլովակիայում  անցկացված հասարակական կարծիքի հետազոտության արդյունքները,  որոնք IRI-ն անցկացրեց միջազգային հետազոտական ընկերություն Ipsos-ի հետ  համատեղ:

"

NDI

NDI գործում է Եվրոպայի 12 երկրներում: Այդ երկրներն են. Ալբանիան, Բոսիա Հերցեգովինան, Բուլղարիան, Խորվաթիան, Հունգարիան, Կոսովոն, Մակեդոնիան, Մոնտենեգրոն, Լեհաստանը, Ռումինիան, Սերբիան և Սլովակիան: Յուրաքանչյուր երկրում NDI հասարակական կարծիքի հետազոտությունը անց է կացնում տարբեր  թեմատիկայով և այդ գործունեությունն այս երկրներում օրենքով արգելված չէ: Օրինակի համար,  2018 թվականի ապրիլին NDI-ը հրապարակեց Հունգարիայում, Լեհաստանում և Սլովակիայում անցկացված հարցման արդյունքները,  որոնք վերաբերում են ժողովրդավարության և քաղաքականության նկատմամբ երիտասարդների  տրամադրություններին:

"

POS  TV-ի մասին

Պոս ՏՎ իշխանության հետ կապված համացանցային հեռուստատեսություն է: 2018 թվականի մայիսի 1-ից, Պոս ՏՎ-ի չորս հաղորդում (Night Show, Մեդիա ռենտգեն, Քաղաքական դետեկտոր, կոնսերվատորիա) թողարկվում է «Մաէստրո» հեռուստաընկերության եթերում: Հաղորդումների պատրաստմանը մասնակցում են Շալվա Ռամիշվիլին, Նիկա Լալիաշվիլին, Նուգզար Ռուխաձեն, Վալերիան Գորգիլաձեն և ուրիշներ:

დარღვევის ტიპი: Ապատեղեկատվություն
Ձեզ նույնպես կհետաքրքրի
Աղբյուր

Վերջին լուրեր

Welcome Back!

Login to your account below

Retrieve your password

Please enter your username or email address to reset your password.

Add New Playlist