Ապալրատվություն այն մասին, իբրև Թուրքիայի 25 000 քաղաքացու շնորհվել է Վրաստանի քաղաքացիություն

31870293_1654654421270639_350826363394981888_n_2
1.4k
VIEWS

Թուրքատյաց ենթատեքստում տարբեր աղբյուրներ պարբերաբար տարածում են ապալրատվություն այն մասին, իբրև Թուրքիայի տասնյակ հազարավոր քաղաքացիների բաժանվել է վրացական անձնագիր, ինչը Աջարիայի տարածաշրջանը Վրաստանի տարածքից անջատելու սպառնալիք է ստեղծում: Մարտի 21-ին, TV Օբյեկտիվ–ի եթերում «Հայրենասերների դաշինքի» ներկայացուցիչ Գիորգի Լոմիան հայտարարեց, որ նախկին իշխանության կառավարման ժամանակաշրջանում Աջարիայում Թուրքիայի 25 000 քաղաքացի ստացել է վրացական անձնագիր, ինչը ապագայում նրանց կողմից թուրքական կուսակցություն ստեղծելու և տարածաշրջանը անջատելու վտանգ է ստեղծում: Նման հաղորդագրություն 2017 թվականի մարտի 15-ին TV Կավկասիայի եթերում «Սպեկտր» հաղորդման վարող Դավիթ Աքուբարդիան նույնպես հնչեցրեց, որ իբր 23 000 Թուրքիայի քաղաքացի Վրաստանի քաղաքացու անձնագիր ունի:

Տարածված տեղեկատվությունը սուտ է: Վրաստանի Արդարադատության նախարարության պետական սերվիսների զարգացման գործակալության տվյալներով, 2004 թվականից մինչև 2018 թվականի ապրիլի 11-ը, ընդհանուր առմամբ Վրաստանի քաղաքացիություն ստացել է Թուրքիայի 3050 քաղաքացի:

Գիորգի Լոմիա, Հայրենասերների դաշինք. «Սաակաշվիլին եթե ևս 6 տարի մնար իշխանությունում, այսօր Աջարիան չէր լինի Վրաստանի կազմում: Հավատացեք, որ այդպես կլիներ: Այսօր ինչ տեղի է ունենում Աջարիայում, ճիշտ այն մասին է խոսում, որ Սաակաշվիլին այդ պլանն ուներ: 25 000 թուրք  ստացավ վրացական անձնագիր և ապրում է  Աջարիայում: 25 000-ին  վաղը,մյուս օրը 10 000 -15 000  եթե ավելանա, փաստորեն թուրքական կուսակցություն կստեղծեն, ինչպես դա տեղի ունեցավ Բուլղարիայում, և այնուհետև կարող են նաև պլեբիսցիտ անցկացնել և անջատվել ընդհանրապես Վրաստանից:

Դավիթ Աքուբարդիա, վարող. «23 000 թուրք ունի Վրաստանի քաղաքացու անձնագիր: Այ, եթե նրանք, այժմ աշնանը մասնակցեն  տեղական ընտրություններին,  Բաթումում կանցնեն առաջին տեղը»:

Օբյեկտիվ, գիշերվա ստուդիա,  21 մարտի, 2018

Կավկասիա, Սպեկտր, 15 մարտի, 2017

Իրատեսական վիճակագրություն.  2004-2018

«Առասպելների դետեկտորին» Արդարադատության նախարարությունը  մատուցեց վիճակագրություն 2004-2018 թվականներին օտար երկրի քաղաքացիներին Վրաստանի քաղաքացիություն շնորհելու մասին, որտեղից պարզվում է, որ 14 տարվա ընթացքում Վրաստանի քաղաքացիություն Թուրքիայի ոչ թե  25 000 քաղաքացու, այլ 3 050-ի է շնորհվել: Քաղաքացիության շնորհումն  իրականացվեց բացառության կարգով: Իսկ քաղաքացիություն շնորհելու ամենաբարձր ցուցանիշ դրսևորվում է Ռուսաստանի դեպքում և այս թիվը կազմում է  21 660:

Քաղաքացիության շնորհումը կատարվում է 4 տարբեր հիմքով.

  • Վրաստանի քաղաքացիության  շնորհում սովորական կարգով,
  • Շնորհում պարզեցված կարգով,
  • Շնորհում բացառության կարգով,
  • Շնորհում Վրաստանի քաղաքացիության վերականգնման կարգով:

Ռուսաստանի դեպքում կիրառվել են քաղաքացիության շնորհման բոլոր  չորս  հիմունքները: Այս նույն ժամանակաշրջանում, Վրաստանի քաղաքացիություն բացառության կարգով շնորհվել է Իրաքի 2, Սիրիայի 19, Իրանի 442 և Արաբական միացյալ Էմիրությունների  4 քաղաքացու (տես՝ ինֆոգրաֆիկա):

"


Պատրաստեց՝ Զուկա Ժորժոլիանին
Առասպելների դետեկտորի լաբորատորիա  

დარღვევის ტიპი: Ապատեղեկատվություն
Ձեզ նույնպես կհետաքրքրի
Աղբյուր

Վերջին լուրեր

Welcome Back!

Login to your account below

Retrieve your password

Please enter your username or email address to reset your password.

Add New Playlist