მიმი განიმარტება, როგორც ფოტო ან ნახატი, რომელსაც უმეტესად იუმორისტული წარწერა აქვს და ინტერნეტში სწარაფად ვრცელდება.
რუსი ტროლების მიერ შექმნილმა ასეთმა გამოსახულებებმა აშშ-ს საპრეზიდენტო არჩევნების ბედი გადაწყვიტა. 2016 წლის საარჩევნო კამპანიის განმავლობაში ინტერნეტის კვლევის სააგენტოს, იგივე სანკტ-პეტერბურგის ტროლების ქარხნის მიერ შექმნილი ე.წ. მიმები და დემოტივატორები სოციალურ ქსელებში მასობრივად ვრცელდებოდა. ყველაზე დიდი აუდიტორია მიმებს Instagram-ზე ჰყავდათ, სადაც ისინი ჯამურად 187 მილიონმა ადამიანმა ნახა/მოიწონა და გააზიარა, ხოლო Facebook-ზე – 76.5 მილიონმა.
მიმების ნაწილი ჰილარი კლინტონის წინააღმდეგ იყო მიმართული
Twitter-ის რუსული ანგარიშის @_AliceDonovan_-ს მიერ გავრცელებული ასობით მიმიდან ერთ-ერთზე ჰილარი კლინტონი გინეკოლოგიურ სავარძელშია მოკალათებული. მიმს წარწერა აქვს: “ჰილარიმ თქვა, რომ წაშალა იმეილები, მაგრამ მე ვიცი ისინი სად ვიპოვო”.
წყარო: medium.com
მეორე რუსული ანგარიში @USA_Gunslinger ჰილარი კლინტონის ჩაცმულობას ჩრდილოეთ კორეის ლიდერის კიმ ჩენ ინისა და ოსტინ პაუერსის პერსონაჟის დოქტორი ბოროტებას სტილს ადარებს
წყარო: medium.com
“როდესაც ჰილარის და ობამას ხმა თვეზე მეტია არ გაგიგია”,- მიმი კიდევ ერთი რუსული ანგარიშისგან @_AmericaFirst_
წყარო: medium.com
დონალდ ტრამპის მხარდასაჭერი მიმები
ტვიტერის რუსული ანგარიშის @_AmericaFirst_ გავრცელებული ერთ-ერთი მიმი მელანია ტრამპისა და მიშელ ობამას ფოტოების კოლაჟია. არაფორმალურად ჩაცმული ობამა ცეკვავს და ქვემოთ წარწერა აქვს “ყურადღება არ მიაქციო”, გვერდით ფოტოზე ტრამპი ელეგანტურ პიჯაკსა და შარვალში გამოწყობილი დგას და ქვემოთ “მოიწონე” წარწერა ამშენებს.
წყარო: medium.com
რუსეთთან დაკავშირებული ანგარიში @Back the Badge ტვიტერის მომხმარებლებს მოუწოდებს, ტრამპის ფოტოს ქვეშ “ამინ” დაწერონ და გააზიარონ.
წყარო: medium.com
ამომრჩეველთა აქტივობის შესამცირებელი მიმები
არჩევნებამდე რამდენიმე დღით ადრე სოციალურ ქსელებში გავრცელდა მიმები, რომლეთა მიზანი საპრეზიდენტო არჩევნებზე ამმომრჩევლის აქტივობის შემცირება იყო. მათი ნაწილი აფრო-ამერიკულ აუდიტორიაზე იყო გათვლილი, მაგალითად, მაიკლ ჯეკსონის მიმი, რომელსაც აწერია: “სანამ ხმას მისცემ მოუსმინე მაიკლ ჯეკსონს: “მე მხოლოდ იმის თქმა მსურს, რომ მათ ჩვენ მართლა არ ვადარდებთ”
წყარო: www.fastcompany.com
ვრცელდებოდა ასეთი მაისურიც, წარწერით “2016 – ყველანი ბანძები არიან!”
წყარო: medium.com
ისლამოფობიური მიმები
მასობრივად გავრცელდა ისლამოფობიური მიმებიც.ინტერნეტ მოხმარებელმა სახელად Jenna Abrams-მა ღორის თავებით მოფენილი გზის ფოტო გააზიარა წარწერით: “ჩემი სადღესასწაულო სურვილების სია მოიცავს: ამ კედელს”
წყარო: medium.com
“ბომბის შესაფუთების როგორი დახვეწილი კოლექციაა! #ისლამიარისპრობლემა”
წყარო: medium.com
რუსული მიმები დღეს
მართალია, სანკტ-პეტერბურიგს ტროლების ქარხანასთან დაკავშირებული ანაგრიშების უმეტესობა Instagram-ზე, Facebook-სა და Twitter-ზე უკვე წაშლილია, მაგრამ მათი შექმნილი მიმები სოციალურ ქსელებში ჯერ ისევ აქტუალურია. მაგალითად ეს ფოტო წარწერით “ამერიკა ისლამის გარეშე”, რომელსაც 10 000-ზე მეტი მოწონება აქვს:
წყარო: www.fastcompany.com
ეს რუსული დემოტივატორი იმ მითის პოპულარიზაციას უწყობს ხელს, თითქოს აშშ სხვებს არ ეხმარება.
წყარო: вштабе.рф
ამერიკასთან ერთად რუსი ტროლები ყურადღების ცენტრში უკრაინაცაა. “ამ არსებებს ტვინი არ აქვთ”,- ვკითულობთ ფოტოკოლაჟზე.
წყარო: вштабе.рф
“უკრაინელები ინტერნეტ-კომენტარებში და უკრაინელები რეალურ ცხოვრებაში”
წყარო: вштабе.рф
მომზადებულია medium.com, fastcompany.com და вштабе.рф მასალების მიხედვით.