როგორ აერია Sputnik V-ს მისამართი და რას პასუხობს მას EMA?

კითხვის დრო: 2 წუთი

კითხვის დრო: 2 წუთი

32
VIEWS

2021 წლის 17 თებერვალს ონლაინ გამოცემა Geworld.ge-მ გამოაქვეყნა სტატია, სათაურით “ევროპის სამედიცინო სააგენტოს “სპუტნიკ V”-ის რეგისტრაციის განაცხადი “დაეკარგა””. მასალის თანახმად, კორონავირუსის საწინააღმდეგო რუსული ვაქცინა “სპუტნიკ V”-ის შემქმნელებმა “ტვიტერში”  ევროკავშირში ვაქცინის რეგისტრაციისთვის საჭირო განაცხადის შეტანის დამადასტურებელი დოკუმენტი მას შემდეგ გამოაქვეყნეს, რაც ევროპის წამლის სააგენტომ (EMA) განაცხადა, რომ Sputnik V-ის განაცხადი არ მიუღია. მასალის წყაროდ რუსული გამოცემა tass.ru არის მითითებული, თუმცა შესაბამისი ბმული თანდართული არ არის. მსგავსი მასალა, განსხვავებული სათაურით (“Разработчики “Спутник V” опубликовали подтверждение заявки на регистрацию вакцины в ЕС”) tass.ru -ზე 10 თებერვალს გამოქვეყნდა. Geworld.ge-ს მასალა  “საქართველო და მსოფლიოს” ავტორმა და კრემლისტური გამოცემის News Fornt-ის ფეისბუკ გვერდის ყოფილმა ადმინისტრატორმა კონსტანტინე ჩიკვილაძემ “კონსტანტინე ჩიკვილაძის და გულბაათ რცხილაძის თანამოაზრეების ჯგუფში” გააზიარა.

;

Geworld.ge-ის მტკიცება, თითქოს ევროკავშირის წამლის სააგანეტოს(EMA) Sputnik V-ის კოვიდ-19-ის ვაქცინის რეგისტრაციის განაცხადი დაეკარგა, მცდარია. სინამდვილეში, EMA-ს განცხადების თანახმად,  Sputnik V-ის ავტორიზაციის შესახებ აპლიკაცია არ წარუდგენია. Sputnik V-ის მიერ გამოქვეყნებული სქრინი კი, რომელიც თითქოს საწინააღმდეგოს ამტკიცებს, არა EMA-ს, არამედ HMA-ს პლატფორმაზეა ატვირთული. HMA კი სხვა ორგანოა და ვაქცინების ავტორიზაციის პროცესში ჩართული არ არის.

EMA-ს განცხადების თანახმად,  Sputnik V-ის ავტორიზაციის შესახებ აპლიკაცია არ წარუდგენია. 

10 თებერვალს ევროპის წამლის სააგენტომ (EMA) ევროკავშირის მიერ Sputnik V-ის ვაქცინის დამტკიცების პროცესის შესახებ განცხადება გამოაქვეყნა. განცხადების თანახმად, Sputnik V-ს ვაქცინის შემქმნელ  რუსეთის გამალეის სახელობის ეპიდემიოლოგიისა და მიკრობიოლოგიის ეროვნულ ცენტრს  ევროკავშირის ბაზარზე ავტორიზაციის მოთხოვნით EMA-ში აპლიკაცია არ წარუდგენია. ევროპის წამლის სააგენტომ განმარტა, რომ  Sputnik V-ის ვაქცინის შემქმნელმა ცენტრმა კოვიდ-19-ის ვაქცინის შესახებ ევროკავშირისაგან სამეცნიერო და რეგულაციებთან დაკავშირებული რჩევები მიიღო და აღნიშნული ინფორმაცია შესაბამის ბაზაშიც  დაფიქსირებულია.

;

Sputnik V-ის მიერ გამოქვეყნებული სქრინი, რომელიც თითქოს ვაქცინის ავტორიზაციის დამადასტურებელი დოკუმენტია, არა EMA-ს, არამედ HMA-ს პლატფორმაზეა ატვირთული

EMA-ს განცხადების შემდეგ, იმავე დღეს, 10 თებერვალს, Sputnik V-ის ტვიტერზე განცხადება გამოქვეყნდა. ტვიტის თანხმად, იმის საპასუხოდ, რომ ევროკავშირის წამლის სააგენტო  Sputnik V-ის  აპლიკაციას ვერ პოულობს, ისინი აპლიკაციის სქრინს აქვეყნებენ, სადაც აპლიკაციის ნომერიც არის მითითებული. სქრინში ჩანს, რომ აპლიკაცია Heads of Medicines Agencies (HMA)-ს პლატფორმაზეა ატვირთული.

;

Heads of Medicines Agencies (HMA) (წამლების სააგენტოების ხელმძღვანელების ქსელი)  ევროპის წამლის სააგენტოსაგან (EMA) განსხვავებული ორგანოა და ვაქცინების ავტორიზაციის პროცესში ჩართული არ არის.

Heads of Medicines Agencies (HMA) ევროკავშირის წევრი ქვეყნებში ეროვნულ დონეზე წამლების რეგულაციების მიმართულებით მომუშავე კომპეტენტური ორგანიების ქსელს წამოადგენს. ის ევროპის წამლის სააგენტოსა და ევროპის კომისიასთან თანამშრომლობს, თუმცა EMA -სგან განსხვავებული ორგანოა. EMA -ს სპიკერის განცხადებით  HMA ვაქცინების დამტკიცების პროცესში ჩართული არ არის.


სტატია Facebook-ის ფაქტების გადამოწმების პროგრამის ფარგლებში მომზადდა.  მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

დარღვევის ტიპი: დეზინფორმაცია
ქვეყანა/ორგანიზაცია: ევროკავშირი, რუსეთი
წყარო

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist