თავდაცვა/უსაფრთხოება

მარშალპრესის ფოტომანიპულაცია

4 მაისი, 2017

30 აპრილს, სააგენტო მარშალპრესმა გამოაქვეყნა ინფორმაცია, სათაურით „რუსეთმა საჰაერო თავდაცვის სისტემები სრულ სამხედრო მზადყოფნაში მოიყვანა". მასალაში მოყვანილია რუსეთის ფედერაციის საბჭოს კომიტეტის თავმჯდომარის ვიქტორ ოზეროვის სიტყვები, რომლის თანახმად, 29 აპრილს ჩრდილოეთ კორეის მიერ ბალისტიკური 

რაკეტის გამოცდის შემდგომ შორეულ აღმოსავლეთში განლაგებული რუსეთის თავდაცვის სისტემები სრულ მზადყოფნაში მოვიდა.

მარშალპრესის მასალას თან ერთვოდა ფოტო, რომელზეც ასახულია მიწისზედა საჰაერო თავდაცვითი სისტემა Aster 30 SAMP/T, რაც რუსეთის ფედერაციის შეიარაღებაში არ შედის.

რეალური ფაქტები

Aster 30 SAMP/T საჰაერო თავდაცვითი სისტემა საფრანგეთისა და იტალიის მთავრობების თანამშრომლობის ფარგლებში განავითარა ევროპულმა კონსორციუმმა Eurosam-მა, რომელიც თავის მხრივ, აერთიანებს კომპანიებს MBDA და Thales. დღესდღეობით Aster-ის სისტემები იტალიის და საფრანგეთის სამხედრო ძალების შეიარაღებაში გამოიყენება.

რუსეთის ფედერაციის თავდაცვის სამინისტროს მფლობელობაში მყოფი ტელეკომპანია „ზვეზდა"-ს ცნობით, რუსეთის ანტი სარაკეტო და ანტისაჰაერო ძალები (Войска ПВО-ПРО) საჰაერო თავდაცვის მიზნით საზენიტო სარაკეტო სისტემებს С-400 «Триумф, С-300 «Фаворит და კომპლექსს Панцирь-С იყენებენ .