Այլք

ვიდეომანიპულაცია, თითქოს ახალგაზრდები დამწვარ ნოტრ-დამში ცეკვავენ

17 Ապրիլ, 2019

2019 წლის 16 აპრილს ვებ-გვერდმა newposts.cc გამოაქვეყნა ვიდეო, სათაურით “ვინ არიან ახალგაზრდები, რომლებმაც პარიზის დამწვარ ტაძარში იცეკვეს”. თავის მხრივ ვიდეო Youtube-ზე სათაურის გარეშე Alia News-მა გამოაქვეყნა. სოციალურ ქსელებში იგივე ვიდეო გვერდებმა “საინტერესო გვერდი” და “შეშლილი სამყარო” გაავრცელეს.

"

"

გავრცელებული ინფორმაცია, თითქოს ახალგაზრდებმა 2019 წლის 15 აპრილის ხანძრის შემდეგ პარიზის ღვთისმშობლის ტაძარში იცეკვეს, ტყუილია. ვიდეოში ასახული კადრები გადაღებულია სენტ-ვინსენტის ბაზილიკაში, საფრანგეთის ქალაქ მეცში, 2016 წელს.

   1. ვიდეო სარანგეთის ქალაქ მეცში 3 წლის წინ არის გადაღებული

სენტ-ვინსენტის ბაზილიკა, საფრანგეთის ქალაქ მეცში მდებარე მე-13 საუკუნის გოთიკური არქიტექტურაა. მლოცველების სიმცირის გამო ბაზილიკამ პირვანდელი ფუნქცია დაკარგა და 2012 წლის მაისიდან ის გამოფენებს, კონცერტებს და სხვადასხვა კულტურულ ღონისძიებებს მასპინძლობს.

"

ვიდეო, რომელიც სოციალურ ქსელებში ვრცელდება, რეალურად 2016 წლის 27 მარტს არის გადაღებული და ნოტრ-დამთან საერთო არაფერი აქვს. 2016 წლის 27 მარტს სენტ-ვინსენტის ბაზილიკაში მორიგი ღონისძიება, ელექტრონული მუსიკის საღამო გაიმართა. შენობაში გადაღებული კადრები ვირუსულად მალევე გავრცელდა და 72 საათში 200 000 ნახვას მიაღწია. ვიდეოს პირველწყარო მთავარი ორგანიზატორი Irenee Sutter გახლავთ.

"

"

"

  2. ხანძრის შემდეგ ნოტრ-დამში ვიზიტორების შესვლა აკრძალულია

ორშაბათს, 15 აპრილს, საფრანგეთის დროით 18:20 საათზე პარიზის ღვთისმშობლის ტაძრის ევაკუაცია დაიწყო. ამჟამინდელი მდგომარეობის გათვალისწინებით ნოტრ-დამში შესვლა ვიზიტორებისთვის აკრძალულია, შესაბამისად ხანძრის შემდეგ იქ კონცერტის მოწყობა, შეუძლებელია. ABC News-ი საფრანგეთის ოფიციალურ პირებს ციტირებს, რომელთა თქმითაც ნოტრ-დამი ვიზიტორებისთვის შესაძლოა მხოლოდ 3 წლის შემდეგ გაიღოს.


მოამზადა მაიკო რატიანმა
მითების დეტექტორის ლაბორატორია